NÄYTE TUTKIMUS KIELIOPPIA SANASTO BIBLIO

Iivan Lövkin. Ongo kaunis Karjala

Pitkän kuuzen ladvas
kägöi kukkuu zor’aizel.
Neidoi käzi kaglas
sanoi omal sulhaizel:

Ongo kaunis Karjala
keväizillä.
Soittau päivöi sugahil
sulavilla.

Nouzen joga huondes
kullan iändy kuulemah.
Lagiel nurmikolla
armahastu nägemäh.

Paimoi tuohiliručil
lirahuttau.
Iänen huondesilmaine
kajahuttau.

A gu myöhä illal
zor’aine on sammunuh,
minä omal kullal
aina olen sanonuh:

Tule ikkoin alle
kodvaizekse.
Menöy aigu molembil
iloizekse.

Ongo kaunis Karjala
keväizillä.
Soittau päivöi sugahil
sulavilla.